Блог настаўніка-дэфектолага А.В.Юхневіч 
Рэкамендацыі для педагогаў, якія працуюць з дзецьмі з асаблівасцямі псіхафізічнага развіцця (АПФР)
Агульныя рэкамендацыі:
- Трэба памятаць, што не ўсе дзеці з АПФР здольны сябе кантраліраваць.
- Адхіленні ў развіцці могуць быць прыметныя адразу або, наадварот, непрыметныя ўвогуле.
- Чым раней заўважылі якое-небудзь адхіленне, тым больш шансаў яго выправіць.
- Важна памятаць, што дзецям з АПФР патрэбна больш часу на запамінанне і яны не заўсёды ўспрымаюць новую інфармацыю. Таму пры тлумачэнні новага матэрыялу старайцеся гаварыць павольна, па некалькі разоў паўтарайце найбольш важнае.
- Дабівайцеся таго, каб вучні з АПФР адчувалі сябе ў класным калектыве камфортна і спакойна.
- Супрацоўнічайце з бацькамі.
- Займайцеся самаадукацыяй: пазнаёмцеся з псіхічнымі асаблівасцямі дзяцей з АПФР, звярніцеся да метадычнай літаратуры. Не бойцеся прызнацца, што вы не ўсё ведаеце ў выхаванні і навучанні дзяцей з АПФР.
Тактыка паводзін з вучнямі з АПФР:
- Раскажыце пра свае патрабаванні і ніколі ад іх не адступайце.
- Памятайце, што дзецям з АПФР вельмі важна прытрымлівацца распарадку дня. Не забывайцеся папярэджваць гэтых вучняў пра ўсе змяненні, асабліва калі гэта датычыцца раскладу.
- У дзяцей з АПФР вельмі часта ўзнікаюць наступныя праблемы пры арганізацыі навучання:
а) неахайна адносяцца да сваёй знешнасці, адзення , кніг, сшыткаў;
б) часта забываюць якія-небудзь школьныя прылады дома.
Для вырашэння гэтых праблем неабходна звярнуцца за дапамогай да бацькоў.
- Неабходна навучыць вучняў правільна задаваць пытанні. Звяртаючыся за дапамогай, усе вучні павінны адчуваць сябе свабодна.
- Не давайце матэрыял у поўным аб’ёме, раздзяліце яго на часткі. Прыводзьце як мага больш прыкладаў з жыцця.
- Выкарыстоўвайце больш нагляднага матэрыялу, старайцеся, каб матэрыял успрымаўся як мага большай колькасцю органаў пачуццяў.
- Падкрэслівайце ўсё неабходнае пры запісе на дошцы.
- Пастаянна звяртайцеся да раней вывучанага матэрыялу.
- Давайце вучню толькі той аб’ём матэрыялу, які ён здольны засвоіць.
- Памятайце, што дзеці з АПФР не могуць адначасова слухаць і запісваць. Канспектаваць пачутае для іх вельмі цяжка.
- Ацэньвайце выкананую работу за змест, а не за знешні выгляд.
- Дазваляйце вучням карыстацца падручнікамі, слоўнікамі, калькулятарамі, табліцамі.
- Ніколі не крытыкуйце дзяцей з АПФР перад другімі дзецьмі.
- Заканчвайце урок са званком, перапынак наабходны для адпачынку.
- Самае галоўнае – хваліце вучняў (за добрыя паводзіны, за правільна выкананае заданне і г.д.). Усё гэта дазваляе павысіць іх самаацэнку.
Настаўнік-дэфектолаг Юхневіч А.В.
